Cila do të ishte përgjigjja juaj nëse do t’ju pyesnin, nëse pëlqen një femër me pak apo shumë makijazh? Nëse opinionet brenda një grupi të vogël do të dilnin të ndryshme, shumica e ka dhënë tashmë mendimin e tyre.
Në nëntor të vitit 2014, revista “Wonderland” zgjodhi që kopertinën e saj t’ia kushtonte një këngëtareje të njohur, e cila pozoi në versionin “ujë e sapun”. Rezultati? Shumica e lexuesve nuk e njohën këngëtaren e muzikës kauntri, Taylor Swift, pa penelin e zi dhe buzët e kuqe.
Shumica e përdoruesve të internetit menduan se ajo nuk ishte lyer fare, pavarësisht se fytyra e saj ishte trajtuar në mënyrë të tillë që të dukej krejt natyrale, Megjithatë, gjithmonë sipas rrjeteve sociale, rezulton se meshkujt nuk dinë ta bëjnë mirë dallimin kur një femër është e trukuar dhe kur jo.
Në një debat të hapur online lidhur me këtë çështje, femrat thonë se kur makijazhi i tyre ka qenë shumë i lehtë, meshkujt kanë menduar se nuk kanë fare. Ndërsa kur ato kanë dalë nga shtëpia “ujë e sapun”, janë përballur me pyetje dhe komente si: “Je mirë?”, “Dukesh sikur ke qarë”, “Nuk ke fjetur sa duhet?”, “Je sëmurë?”, “Çfarë problemi ke?” apo edhe “më duket se e paske tepruar me pijen”.
Së fundmi “Google Facts” doli në këtë rezultat: “Studimi tregoi se meshkujt pëlqejnë femrat që kanë vendosur pak grim”.
Burimi: Daily Mail
