Edhe yjet më me stil gabojnë ndonjëherë në tapetin e kuq! Dhe editorja e modës, Fiona McIntosh, është shprehur se gjatë eventit të “Evening Standard Theatre Awards” në Londër, të famshmet u shfaqën me veshje që i tregonte më të vjetra në moshë.
Aktorja shik, Keira Knightley, e cila është imazhi i “Chanel”, ishte një prej yjeve të “Hollywood”-it, e cila sipas editores së modës nuk u paraqit në mënyrën e duhur.
“Mos ndoshta ka parë shumë episode të serialit “Victoria”? Si ndryshe mund ta shpjegojmë tylin dhe frudat e fustanit të frymëzuar nga koha viktoriane?”, shkruan “Daily Mail”.
Fustani “Valentino” i Keira Knightley gjithsesi tërhoqi vëmendjen e të gjithëve, pavarësisht atyre që mund të thonë editorët e modës për kriteret e paraqitjes në tapetin e kuq për eventin në fjalë.
Por mbi të gjitha Keira u fol për pamjen e saj të thjeshtë dhe aq të freskët, që dukej sikur nuk kishte vendosur makijazh.
Në fakt aktorja kishte zgjedhur një grim shkëlqyes dhe shumë të lehtë, pak skuqje të faqeve, rimelin, vetullat e trasha dhe një hije të errët në sy.
Të pakta janë të famshmet që kanë guxuar të shfaqen në tapetin e kuq pa bërë grim.
Alicia Keys është këngëtarja që ka vendosur t’i tregojë botës së fundmi, se nuk e bën grimi një femër tërheqëse dhe kudo shfaqet pa makijazh.
Burimi: Daily Mail
