“Prime-in” që lamë pas dolën në nominim Luiz Ejlli, Kiara Tito, Dea Mishel dhe Mikela Pupa. Njëri nga të katërt të shtunën mbrëma do të lërë shtëpinë e “Big Brother Vip”.
Vendimin për këtë sigurisht e japin votat e publikut (të paktën kështu e dimë ne). Së fundmi në faqen zyrtare të “Big Brother Vip” në Instagram janë afishuar katër konkurentët e nominuar me pyetjen: Kë do të doni të shpëtoni?
Edhe këtu është vënë re një lumë komentesh pro Luizit duke e cilësuar si adrenalinën e shtëpisë dhe duke shprehur mbështetjen që ai të vazhdojë lojën.
Duhet pranuar që ka edhe persona që janë zhgënjyer nga këngëtari, mirëpo pjesa dërrmuese e publikut janë në mbështetje të tij dhe këtë e kanë treguar që prej “prime-it” të së martës me statuse të ndryshme në rrjete sociale apo kudo që zëri i tyre dëgjohet.
Tani na mbetet vetëm të presim të shtunën për të mësuar kush do të jetë i eleminuari i rradhës.
Kujtojmë që produksioni i “Big Brother Vip” të martën mbrëma bëri diçka që shumë do e ëndërronin. Nxorri rezultatet e analizave të një sëmundje të rrallë për më pak se dy orë.
Luiz Ejlli pasi rrëfeu se vuante nga një sëmundje e rrallë, produksioni i “mëshirshëm” i dha mundësinë të kryente të gjitha ekzaminimet gjatë “prime-it”. Ai u kthye në shtëpi si “gënjeshtar” me banorët të cilët i dolën krejt kundër dhe produksioni i “BBV” si gjithmonë ia doli me të tijën.
