12-vjeçari me inicialet Daniel D. humbi jetën në mënyrë tragjike ditën e sotme në Liqenin e Farkës. Viktima, nxënës në klasën e gjashtë, ishte nisur së bashku me shokët e tij për t’u larë në liqenin që i mori jetën.
Gazeta “Panorama” shkruan se ai ishte hedhur nga pjesa e digës, por nuk mundi të dalë në sipërfaqe për rrethana që ende mbeten serioze. Edhe përse janë përpjekur menjëherë për ta shpëtuar, ata nuk mundën ta gjejnë dot.
Dy shokët e tij thanë se pasi 12-vjeçari u zhyt në ujë, rrëshqiti në barishte dhe nuk arritën ta shohin sërish.
“Danieli dinte not, por u ngatërrua në barishtet e liqenit. Kemi shkuar shpesh në liqen për t’u larë. Por sot kur u zhytem, ai nuk mundi të dalte pasi rrëshqiti në barishtet e liqenit. Kur ai nuk doli u futëm për ta nxjerrë por nuk e pamë. Fundi i liqenit ishte i turbull”, thanë dy shokët e viktimës para oficerëve të policisë në komisariatin nr.1 në Tiranë, raporton Balkanweb.
Polumbarët e Reneas nxorrën trupin e pajetë të vogëlushit 12-vjeçar, banues në Shkozë.
