Mediat greke kanë publikuar fotot e para të nënën 19-vjeçare me origjinë nga Shqipëria, që vrau foshnjën e saj të porsalindur si dhe është zbardhur deklarata shokuese e saj. “Anabel.al” shkruan se vajza Hara si dhe nëna e saj 54 vjeç, kanë rënë në prangat e policisë greke.
Dy ditë më parë, ajo rrëfeu se kishte mbetur shtatzënë pas lidhjes me një djalë nga Greqia, por kushtet e vështira ekonomike, e detyruan të mbyste foshnjën.
19-vjeçarja solli në jetë fëmijën e saj të parë, në tualetin e shtëpisë ku banon. Menjëherë i ka dhënë për të pirë, por që të mos dëgjoheshin të qarat e vogëlushit e ka mbushur me peceta gojën e tij. Në fund, ka lidhur një kordon rreth qafës së të voglit dhe e ka mbytur.
Ishte e ëma e vajzës, 54 vjeç, e cila e ka mbështjellë me një qese plastike dhe e kanë hedhur në kazanin e plehrave të lagjes ku banonin në Athinë.
Ditë më vonë, trupi i pajetë i të porsalindurit është gjetur nga një endacak dhe menjëherë është thirrur policia. Autoritetet greke kanë 3 muaj që hetojnë rreth kësaj ngjarje, e cila ka ndodhur në muajin shkurt. Ata kanë krahasuar më shumë se 60 ADN, të vajzave nën moshën 25-vjeçare që jetonin në atë zonë.
Hara, shfaqet e penduar për krimin. Ajo tregoi se i vendoste lule sa herë kalonte pranë kazanit të plehrave. Pak kohë më parë, 19-vjeçarja kishte kryer abort në spitalin e Athinës, me justifikimin se dhunohej nga partneri.
