Ditën e djeshme, qeveria njoftoi masat e reja anti Covid-19, duke vendosur të ndalojë hapjen e klubeve të natës, diskove dhe Lounge Bareve apo shërbimeve të ngjashme si në ambiente të hapura ashtu edhe në ato të mbyllura.
Në rast shkelje të këtij vendimi bizneset do të dënohen me 30 milionë lekë të vjetër gjobë dhe me pezullim të aktivitetit deri në 1 vit.
Gjithashtu do të ndalohet muzika pas orës 20:00 në të gjitha mjediset e shërbimeve të çfarëdolloji. (Lexo këtu)
Për këto masa të marra ka reaguar mbrëmjen e sotme mjeku infeksionist Pëllumb Pipero, teksa ishte i ftuar në “Ora News”.
Ai u shpreh se virusi nuk ka fashë orare dhe se ai lëviz bashkë me ne, megjithatë ai beson se mbyllja e lokaleve të natës ka si qëllim frenimin dhe qarkullimit e virusit mes të rinjve që frekuentojnë jetën e natës.
Pipero u shpreh se distancimi fizik s’mund të ruhet, pasi njerëzit s’mund të kërcejnë dy metra larg njëri-tjetrit.
“Virusi lëviz me ne, sa kohë lëvizim në 7 ditët e javës virusi do të lëvizë me ne. Virusi nuk ka fasha orari. Unë besoj se ndalimi i funksionimeve të klubeve të natës dhe muzikës, nuk është qëllim në vetvete, por ka për objektiv frenimin e qarkullimin e virusin mes të rinjve që frekuentojnë lokalet e natës.
ë gjitha lokalet dhe baret, si ditën ashtu edhe natën, duhet të respektojnë protokollet e sigurisë. Nuk mund të kërcejmë 2 metra larg njëri-tjetrit”- tha ai.
Pas masave të marra nga qeveria, ditën e sotme pronarë të lokaleve dhe artistëve shqiptarë nisën një protestë për të kundërshtuar vendimin e qeverisë.
Policia ndërhyri me forcë për të shpërndarë turmën dhe shoqëroi disa persona nga protesta. (Lexo këtu)
