I gjithë rrjeti u surprizua në shtator, pasi Loredana ka postuar në Instagram, një foto nga një “video call” me Petra Valais, ku shihen duke buzëqeshur.
Loredana kishte shkruar datën 01.09.2020, për të treguar se biseda mes tyre është realizuar në 1 shtator, duke e shoqëruar me emojin e dy gishtave, pra paqe.
Sakaq, në rrjet qarkulluan edhe video e foto nga takimet mes tyre në restorante të ndryshme, ku shihen duke folur e buzëqeshur. Kjo lëvizje e papritur e reperes shkaktoi shumë debate mes fansave të cilët filluan të aludonin.
Ata u ndanë në dy kampe: Njëri kamp thoshte se Loredana e ka paguar Petrën që të heshtë për të mos i prishur më shumë imazhin, ndërsa tjetri thoshte se ato po shtiren.
Disa javë pas kësaj ngjarjeje gazeta zvicerane “20 minuten” shkruante se zyra e prokurorit të Luzernit ka mbyllur çështjen, me kërkesë të të dyjave palëve, që kanë rënë dakord në një marrëveshje.
Sipas saj, reperja shqiptare i ka paguar zviceranes rreth 400 mijë franga dhe i ka kërkuar edhe falje, duke marrë përgjegjësi të plotë për veprimet e saj. (KLIKO)
Së fundmi, Loredana ka folur publikisht rreth çështjes në fjalë. Në një intervistë për SRF Virus ajo tha se të vërtetën e asaj që ka ndodhur mes saj dhe Petrës, përveç tyre e di edhe prokurori. Asnjë tjetër.
Ajo tha se e kuptojnë shumë mirë njëra-tjetrën, pa dashur që ta vijojë më tej bisedën.
“Vetëm unë, prokurori publik dhe kjo zonjë (Petra Z.), e dimë të vërtetën. Mendoj se ne e kuptojmë njëra-tjetrin”.
Kujtojmë se Loredana u akuzua se i ka zhvatur 700,00 franga çiftit Valais, të cilët thanë se 24-vjeçarja është shtirur si “Anna Landmann”, vajzë e avokatit të Zyrihut, Valentin Landmann.
Çështja u bë publike vitin e kaluar, pasi shtëpia e Loredanës u bastis nga autoritet dhe llogaria saj bankare u bllokua.
Në një konferencë shtypi të mbajtur në Prishtinë në maj 2019, ajo paraqiti pikëpamjen e saj për këtë çështje, duke thënë se : “ Unë jam e pastër. Paratë më janë dhënë vullnetarisht, nuk ka kërcënim, as ka qenë mashtrim.”
Zvicerianët në fillim të korrikut kanë dhënë një interviste për “20 Minuten”, ku janë shprehur se të ardhurat e saj që prej asaj kohe janë përkeqësuar ndjeshëm. Petra dhe bashkëshorti i saj pretendojnë se kanë humbur një total prej 655,000 eurosh, duke e patur të pamundur të paguajnë shpenzimet edhe për funeralin e të ëmës.
Këto të fundit sipas tyre shkonin dikur tek 3700 euro dhe çifti është shprehur se nuk kishte të paguante, pasi nuk ka patur asnjë lloj kursimi.
Madje kjo deklaratë e tyre ka nisur një fushatë kundër Loredanës, me hashtagun #BoycottLoredana (Bojkoto Loredanën), me qëllim që njerëzit të ndalojnë së dëgjuari muzikën e saj.
