Mbyllen kufijtë me Greqinë, Rama: Nga nesër ndalohen hyrje-daljet me avion dhe autobus

Duke nisur nga dita e nesërme, Shqipëria do të bllokojë hyrje-daljet edhe në pikat e kalimit kufitar me Greqinë.

Lajmin e bëri të ditur kryeministri Edi Rama në një postim në Facebook, sipas të cilit transporti ajror dhe tokësor me autobus, do të mbyllen me shtetin grek nga e shtuna në orën 10:00.

Lexo edhe :

Groenlanda si vijë e parë mbrojtëse për SHBA-në dhe NATO-n/ Hartat që shpjegojnë pse Trump dëshiron me ‘kaq zjarr’ blerjen e saj

23:29 16/01/26

“A do ta takoj ndonjëherë?”/ Selin bisedon me Mirin për babain e saj: Nuk e di ndoshta e ke mërzitur…

22:56 16/01/26

Rama megjithatë nuk ka përmendur transportin me automjet privat, i cili me sa duket do të vijojë.

Greqia është prekur nga COVID-19, ku ka rreth 100 të infektuar, ndërkohë që në Shqipëri numri rritet dita-ditës.

Në Greqi është shënuar edhe viktima e parë që është një 67-vjeçar që ishte i shtruar në spitalin e Rios në gjendje të rëndë. Ai me herët ka vizituar Jeruzalemin bashkë me 49 persona të tjerë dhe janë kthyer me autobus.

Postimi i kryeministrit Rama:

Rama: DUKE NISUR NGA DITA E NESËRME NË ORËN 10.00 MBYLLEN HYRJE – DALJET ME GREQINË PËRMES LINJAVE TË TRANSPORTIT AJROR DHE TOKËSOR ME AUTOBUS! FRIKË ASPAK, KUJDES PO!

/iconstyle.al