Bilanci negativ i viktimave nga Koronavirusi në Itali ka arritur kulmin në këto 24 orët e fundit.
Numri i viktimave ka shkuar në 1266, që do të thotë se janë shënuar 250 viktima në ditë.
Rastet janë shtuar me 2116 duke e çuar në rreth 17660 numrin total të të infektuarve, ndërsa sa u përket të shëruarave janë 185 më shumë, duke e çuar numrin e përgjithshëm në 1439.
Dje, ministri i Jashtëm i Italisë tha se shpreson që vendi i tij të jetë i pari në Evropë që do të lërë pas Koronavirusin, ndonëse Italia ka shpërthimin më të keq të COVID-19 pas Kinës.
Luigi Di Maio i tha BBC-së se bllokimi dhe izolimi i zonave të para të shpërthimit, kishin rezultuar efektive.
Megjithatë shifrat e frikshme flasin ndryshe. Koronavirusi ka shpërthyer kudo në botë duke e çuar numrin e të vdekurve në të gjithë botën mbi 5300.
Organizata Botërore e Shëndetit, e quajti një “moment historik tragjik” humbjen e mijëra personave në të gjithë botën nga Covid-19.
“Evropa tani është bërë epiqendra e pandemisë. Më shumë raste po raportohen tani çdo ditë sesa u raportuan në Kinë në kulmin e epidemisë”, tha kreu i OBSH-së në Gjenevë.
/Iconstyle.al
