Mbretëresha Elizabeth nuk ka qenë sot e pranishme në ditën e fundit të festimeve për Jubileun e saj Platinium.
Mirëpo Mbretëresha ‘ndodhej aty shpirtërisht’ pasi u shfaq në formë hologrami, në dritaret e Gold State Coach.
Jo vetëm kaq, por ajo ka suprizuar të gjithë më pas!
Mbretëresha Elizabeth II ka bërë një paraqitje surprizë pas finales se festimeve të Jubileut Platinum.
Ajo ishte e gjitha e buzëqeshur teksa i përshëndeti me dorë të pranishmit nga ballkoni i Pallatit Buckingham të dielën pasdite, pas paradës së spektaklit.
Asaj iu bashkua trashëgimtari, Princi Charles dhe gruaja Camilla Parker Bowles, së bashku me nipin e saj Princin William dhe gruan Kate Middleton me fëmijët e tyre, Princin George, 8 vjeç, Princeshën Charlotte, 7 vjeç dhe princin Louis, 4 vjeç.
Ajo mahniti me një xhaketë jeshile, së bashku me disa perla të vendosura si dhe me dorezat e saj te bardha.
Jubileu filloi të enjten kur Mbretëresha festoi ditëlindjen e saj pranë anëtarëve të familjes në ballkonin e pallatit, ndërsa ata shikonin paradën e ‘Trooping the Color’.
Të premten, Mbretëresha mungoi në festime pasi u tha se nuk ishte në gjendje të mirë shëndetësore. Në festimet e së premtes, morën pjesë Harry me Meghan dhe William me Kate.
