Mbretëresha ka rezultuar pozitive për Covid, ka thënë Buckingham Palace.
Monarkja po përjeton “simptoma të lehta të ngjashme me të ftohtin”, teksa po pret të vazhdojë “detyrat e lehta” në Windsor gjatë javës së ardhshme, u tha nga pallati.
“Ajo do të vazhdojë të marrë kujdes mjekësor dhe do të ndjekë të gjitha udhëzimet e duhura”, shtohet në një deklaratë.
Mbretëresha, 95 vjeçe, kishte qenë në kontakt me djalin dhe trashëgimtarin e saj të madh, Princin e Wels-it, i cili rezultoi pozitiv javën e kaluar.
Kuptohet se një numër njerëzish kanë rezultuar pozitivë në Kështjellën Windsor, ku banon mbretëresha.
Njoftimi vjen disa javë pasi Mbretëresha u bë monarkja më jetëgjatë e Mbretërisë së Bashkuar, duke arritur jubileun e saj Platinum prej 70 vjetësh më 6 shkurt.
Ajo kreu angazhimin e saj të parë të madh publik për më shumë se tre muaj në prag të jubileut, duke takuar punonjës të bamirësisë në Sandringham House.
Mbretëresha bëri vaksinën e saj të parë në janar 2021 dhe besohet se i kishte bërë të gjitha vaksinat e saj pas kësaj.
Korrespondenti mbretëror i “BBC”-së, Nicholas Witchell, tha se e kishte marrë jetën “më lehtë” që kur kaloi një natë në spital për kontrolle mjekësore në tetor të vitit të kaluar.
Gruaja e Princit Charles, Dukesha e Cornwall, rezultoi pozitive për virusin javët e kaluara, disa ditë pas bashkëshortit të saj.
Ishte hera e parë që dukesha kishte kapur Covid, dhe hera e dytë për Princin Charles.
