Ky mund të jetë viti që bota e modës përqafoi gjeneratën e “Instagram”-it, por Gisele Bundchen tregoi sërish se ajo është mbretëresha e padiskutuar e pasarelës.
Gisele është ende shumë përpara konkurrenteve të tjera të modelingut, duke u renditur e para me 30.5 milionë dollarë të ardhura vitin e fundit, pavarësisht një zbritje prej 30% në përfitimet e saj, krahasuar nga 44 milionë paund që fitoi vitin e kaluar.
“Forbes” zbulon listën e supermodeleve më të paguara, ndërsa bën të ditur se 36-vjeçarja fiton pothuajse tre herë me shumë se koleget e tjera, si Kendall Jenner, e cila fitoi 10 milionë dollarë këtë vit nga qershori 2015.
Gjithsesi të ardhurat e pjesëtares së klanit Kardashian kanë pësuar një rritje me 150%, nga 4 milionë dollarë që ajo bëri në 2015-n, falë përdorimit të mediave sociale dhe marrëveshjes me Estée Lauder.
Të ardhurat e saj e rendisin atë të tretën bashkë me modelen e “Victoria’s Secret”, Karlie Kloss, të ndjekur më pas nga Gigi Hadid, e cila renditet e pesta me 9 milionë dollarë të ardhura.
Në vendin e dytë të listës së “Forbes” për modelet më të paguara në botë renditet veterania e “Victoria’s Secret”, Adriana Lima, e cila mblodhi rreth 10.5 milionë dollarë falë marrëveshjeve me Maybelline, syzeve Vogue dhe orët IWC.
Ndërkohë që, Rosie Huntington-Whiteley hyri për herë të parë në listën e modeleve më të paguara, duke lënë pas Cara Delevingne.
Modelet më të paguara në botë për 2016-n
1.Gisele Bundchen 30.5 milionë dollarë
2.Adriana Lima 10.5 milionë dollarë
3.Kendall Jenner 10 milionë dollarë
3.Karlie Kloss 10 milionë dollarë
5.Gigi Hadid 9 milionë dollarë
5.Rosie Huntington-Whiteley 9 milionë dollarë
7.Cara Delevingne 8.5 milionë dollarë
8.Candice Swanepoel 7 milionë dollarë
8.Liu Wen 7 milionë dollarë
10.Miranda Kerr 6 milionë dollarë
Burimi: Daily Mail
