Për të thyer paksa monotoninë e karantinës dhe për ta bërë të lumtur partneren e tij, Bes Kallaku e surprizoi mbrëmë Xhensilën me një darkë modeste në karantinë.
Ai kishte krijuar një ambient të këndshëm në njërin kënd jashtë shtëpisë, kishte përgatitur disa ushqime të thjeshta dhe madje kishte ndezur edhe një qiri.
Aktori e ftoi partneren t’i bashkohej për të kaluar pak kohë së bashku, ndërsa Xhensila ka filmuar çdo moment.
Ajo nis të qeshë me surprizën e Besit dhe ushqimin e përgatitur, cironka të përcëlluara siç e quan ajo.
Më pas, të dy bien dakord që mjafton edhe aq, “bukë, kripë e zemër të bardhë”.
Mesa duket, dyshja ka përfituar ndërkohë që kanë vënë Ajkën në gjumë dhe siç pamjet tregojnë vetë, kanë kaluar mbrëmjen perfekte në karantinë.
Besi mundohet ta kalojë me sa më shumë të qeshura kohën e izolimit në shtëpi dhe në llogarinë e tij në Instagram nuk mungojnë videot plot humor, ku së fundmi ka përfshirë edhe Xhensilën dhe Ajkën.
https://www.instagram.com/p/CADpohgnblb/
