Presidenti ukrainas Volodymyr Zelenskyy falënderoi të dielën çiftin e njohur të ‘showbiz’-it Ashton Kutcher dhe Mila Kunis për mbledhjen e fondeve për të ndihmuar vendin e tij të shkatërruar nga lufta.
Udhëheqësi ukrainas organizoi një video-telefonatë pasi dyshja arriti të mblidhte gati 35 milionë dollarë të cilat do të shkonin për refugjatët ukrainas.
Çifti gjithashtu premtoi 3 milionë dollarë nga paratë e tyre.
Kutcher dhe Kunis, nisën një “GoFundMe” më 3 mars për të financuar kompanitë me bazë në “San Francisko Flexport” dhe “Airbnb”.
Presidenti postoi një foto të telefonatës në “Twitter”, duke thënë se çifti ishte “ndër të parët që iu përgjigj thirrjeve tona”.
“Ata kanë mbledhur tashmë 35 milionë dollarë dhe po i dërgojnë në @flexport & @Airbnb për të ndihmuar refugjatët ukrainas. Mirënjohës për mbështetjen e tyre. Të impresionuar nga vendosmëria e tyre. Ata frymëzojnë botën. #StandWithUkraine.”
.@aplusk & Mila Kunis were among the first to respond to our grief. They have already raised $35 million & are sending it to @flexport & @Airbnb to help 🇺🇦 refugees. Grateful for their support. Impressed by their determination. They inspire the world. #StandWithUkraine pic.twitter.com/paa0TjJseu
— Володимир Зеленський (@ZelenskyyUa) March 20, 2022
Në faqen “GoFundMe”, Kunis – e cila ka lindur në Chernivtsi, Ukrainë, në 1983 përpara se të shpërngulej me familjen e saj në SHBA në vitin 1991 – e përshkroi veten si një “ukrainase krenare”.
“Ukrainasit janë njerëz krenarë dhe të guximshëm që meritojnë ndihmën tonë në kohën e tyre të nevojës. Ky sulm i padrejtë ndaj Ukrainës dhe njerëzimit në përgjithësi është shkatërrues dhe populli ukrainas ka nevojë për mbështetjen tonë”, shkroi ajo.
Edhe pasi arritën qëllimin e tyre, Kunis dhe Kutcher thanë se puna e tyre nuk u ka mbaruar.
“Derisa fondet vazhdojnë të vijnë, ne do ta trajtojmë çdo dollar sikur të ishte dhuruar nga xhepi ynë në mënyrë që të ketë rezultate pozitive për të tjerët. Puna jonë nuk është kryer, prandaj po e ngremë objektivin në 40 milionë dollarë”, tha Kutcher.
