Mbi 200 qytetarë shqiptarë kanë mbetur të bllokuar në Itali dhe u kërkojnë ndihmë autoriteteve shqiptare për t’u ktyher në atdhe.
Pas mbylljes së kufinjve për shkak të koronavirusit, pala italiane nuk ka dhënë ende “ok” për transportin e tyre.
Burime për Rtv Ora bëjnë me dije se mbi 200 persona kanë mbetur në qytetetet italiane që kërkojnë ndihmën e autoriteteve për tu kthyer në atdhe.
Shqipëria ka mbyllur kufijtë tokësore, detare dhe ajrorë për lëvizjen e njerëzve për të izoluar përhapjen e koronavirusit, ndërsa Italia fqinje është e gjitha në karantinë.
Sipas të dhënave zyrtare, rreth 600 mijë shqiptarë jetojnë në Itali, ku mbi 400 mijë janë rezidentë me dokumenta.
Rreth 90 mijë janë të lokalizuar në rajonin e Lombardisë, e cila është zona me shpërthimin më të madh të COVID-19 dhe numrin më të lartë të viktimave.
Në 24 orët e fundit numri i vdekjeve nga koronavirusi në Itali është rritur me 743 duke e çuar numrin total të viktimave në 6.820, tha kreu i Agjencisë së Mbrojtjes Civile të martën.
Rajoni verior i Lombardisë mbetet në një situatë kritike, me gjithsej 4,178 vdekje dhe 30,703 raste.
