Uragani i fuqishëm Laura që goditi vijën bregdetare të Luizianës të enjten në mëngjes, u quajt si një nga stuhitë më të forta të rajonit në mbi një shekull.
Ai është cilësuar fillimisht si një stuhi e Kategorisë 4, por që nga atëherë është dobësuar në Kategorinë 2, me erëra prej 110 km/orë.
Stuhia mund të përhapet deri në 30 milje në tokë në jug-perëndim të Luizianas dhe Teksasit Juglindor – duke arritur midis Beaumont dhe Liqenit Charles. Qendra Kombëtare e Uraganit paralajmëroi se rritja mund të jetë “e pashmangshme” në disa zona.
Në Luiziana është bërë një evakuim të detyrueshëm, por nga 6.500 banorë, 150 kanë refuzuar të largohen, tha Ashley Buller, ndihmës drejtor i Operacioneve të Urgjencës për famullinë.
Pjesë e këtyre banorëve janë edhe 20 familje shqiptare, për të cilat, ambasadorja shqiptare në Shtetet e Bashkuara të Amerikës, Floreta Luli-Faber njofton se janë evakuuar.
Postimi i plotë:
Me shqetësim të madh kam ndjekur lajmet mbi #UraganinLaura që pritet të godasë pa mëshirë sonte një pjesë të Luizianës dhe Teksasit. Orët e fundit isha në kontakt me Konsullin e Nderit në Luisiana dhe Presidenten e Arberia Houston. Pranvera më informoi se ka një numër restorantesh shqiptare në Beaumont dhe mbi 20 familje shqiptare që jetojnë në mes Liqenit Charles, Luiziana dhe Beaumont, Teksas. Në të gjithë këtë zonë evakuimi ishte i detyruar. Pikërisht në zonën e Liqenit Charles, parashikohet që Uragani të sjellë një valë uji në lartësinë deri në 5-6 metra, në një sipërfaqe deri në 50 kilometra në brendësi të zonave të banuara. Ndoshta, një pjesë nga këto zona mund të përmbyten përgjithmonë. Në vitin 2018 kam udhëtuar nga Biloxi në Alabama në New Orlins në Luiziana, në drejtim të Houston, Teksas. Kam bërë një udhëtim rreth dy orë përgjatë Autostrades I-10, paralel me bregun në Golfin e Meksikës dhe kam vizituar zonat e prekura nga #UraganiKatrina i cili ndodhi pikërisht 15 vite më parë. Kushdo që jeton apo ka vizituar këtë pjesë të Jugut të Amerikës e ka një ide se çfarë pritet të shkaktojë #UraganiLaura. Por një shpjegim skematik për të kuptuar situatën e paprecedent të stuhisë që pritet të godasë sonte, e paraqet kjo video shpjeguese e The Weather Channel Sonte jemi më mendje e zemër pranë të gjithë atyre që pritet të preken nga kjo fatkeqësi e rënde natyrore!
