Marina Guagliata po udhëtonte së bashku me të bijën, kur papritur një pjesë e autostradës A10 u shemb në Xhenova të Italisë. Ditë pas tragjedisë, ajo rrëfen tmerrin që përjetoi, pasi mbeti e bllokuar nën rrënojat e urës me vajzën e saj Camilla.
“Zjarrkësit biseduan me mua dhe u përpoqën të më nxjerrin nga rrënoja, por ata nuk e panë vajzën time, pasi ajo ishte mbuluar e gjitha. Unë nisa të bërtasë që të më linin mua dhe të merrnin vajzën time”. – tregon Marina.
Nënë e bijë janë jashtë rrezikut për jetën dhe po qëndrojnë në spitalin Villa Scassi.
“Isha në gjendje t’i tregoja forcave të shpëtimit pozicionin e saktë të vajzës sime, sepse gjithmonë e mbaja prej dore teksa ishim nën rrënoja”, tha ajo, ndërsa ende shfaqet e shokuar, raporton ‘Republica’.
