Mbrëmjen e kaluar në emisionin “Dua të të bëj të lumtur” u transmetua një histori disi e rrallë dhe mjaft speciale.
Mbesa dëshironte të lumturonte hallën e saj e cila quhej Gjustina, e njohur nga të gjithë me emrin Duni.
Kjo e fundit në moshën 25-vjeçare pa dëshirën e prindërve kishte vendosur që të bëhej burrneshë në mënyrë që të ndihmonte familjarët e saj dhe gjithë jetën t’jua kushtonte atyre, pa krijuar një familje të sajën dhe pa u bërë nënë.
Siç tregoi mbesa, Duni kishte vuajtur shumë, që pas vdekjes së babait dhe deri më sot: “Ti e di se sa e veçantë je për mua dhe të kam thirrur këtu për të të bërë të lumtur. Dua të të falënderoj në emër të të gjithëve për çdo sakrificë që ke bërë për ne. Ti për mua je nëna ime e dytë dhe të dua shumë po shumë!”
Nuk munguan lotët nga ana e Dunit, mirëpo nuk munguan buzëqeshjet po ashtu që dukej se i buronin asaj nga thellësia e shpirtit. /topchannel
