Nëse menduat se gjithçka përfundoi të premten e keni gabim, dasma e Xhensilës dhe Besit vazhdon ende. Zhurma e madhe pas 1 shtatorit vijon të ndihet në rrjetet sociale, sepse çifti kishte edhe një ceremoni tjetër me të afërmit dhe familjarët mbrëmjen e djeshme.
Ndërsa nusja, ndërkohë që bëhej gati për dasmën tjetër, shijoi pasditen e djeshme edhe hapjen e dhuratave, një proces që me siguri u pëlqen të dyve, por Xhensila është ajo që, me këtë rast, bën edhe falënderimet respektive.
Kureshtjen e të gjithëve, këngëtarja e njohur e skenës e ka shuar vetëm duke postuar dy prej dhuratave speciale që i kanë sjellë. Ndër dhuratat që kanë marrë, ajo ka veçuar dy që i ka ndarë edhe me miqtë në rrjetet sociale.
Një arush i madh i bardhë, dhuratë sa tradicionale aq edhe simbolike e dasmës, Xhensilës dhe Besit i është dhuruar nga grimierët e këngëtares, me të cilët ajo tashmë bashkëpunon prej kohësh.
Ndërsa dhurata tjetër, një set orësh Gucci për nusen dhe dhëndrin vjen nga mikesha e saj, aktorja Drilona Dula.
Natyrisht, mes shumë dhuratave materiale dhe më pak të tilla, për nusen dhe dhëndrin ka pasur edhe të tjera simbolike e artistike, por më të bukurën, ata ndoshta duan ta ruajnë për vete.
