Kylian Mbappe mori Këpucën e Artë 2024/25, çmimin vjetor që i jepet golashënuesit më të mirë të sezonit (në liga) në Evropë, sot në Santiago Bernabeu (31/10), sipas European Sport Media (ESM). Sulmuesi ndërkombëtar francez i Real Madridit shënoi 31 gola në ligë, duke fituar 62 pikë në sistemin e koeficientëve, përpara Victor Gioqueres (39 gola, 58.5 pikë) dhe Mohamed Salah (29 gola, 58 pikë).
Çmimi u dorëzua nga Juan Ignacio Gallardo, drejtor i MARCA-s dhe zv/president i ESM, në një ceremoni të mbajtur pak pas mesditës në galerinë presidenciale të Santiago Bernabeu, ku morën pjesë presidenti i Real Madridit, Florentino Perez, trajneri Xabi Alonso, i gjithë ekipi, si dhe anëtarë të familjes së Mbappe-s.
“I dashur Kylian, kjo këpucë është fryt i përkushtimit tënd ndaj futbollit. Jam krenar që kam një lojtar si ty, i cili përfaqëson në mënyrë të përsosur vlerat e klubit tonë. Kjo Këpucë e Artë është një nxitje për ty që të vazhdosh të fitosh dhe kështu të forcosh më tej historinë e Real Madridit”, tha Florentino Perez.
Juan Ignacio Gallardo mori fjalën për të theksuar vlerën simbolike dhe sportive të çmimit. Ai kujtoi se Këpuca e Artë, e krijuar në vitin 1968 dhe e organizuar nga ESM për 28 vitet e fundit, njeh golashënuesin më të mirë pa vota ose juri.
Lojtari francez e shikoi me emocion dhe entuziazëm videon me të gjitha golat e tij në sezonin 2024/25 përpara se të mbante fjalimin e tij.
Pasi mori “Këpucën e Artë” nga duart e Juan Ignacio Gallardo, ai tha:
“Falënderoj presidentin dhe të gjithë në MARCA dhe European Sport Media. Falënderoj të gjithë shokët e mi të ekipit që nxorën më të mirën tek Kylian. Ne kemi një ekip të jashtëzakonshëm dhe mund të fitojmë shumë gjëra.”
