Shihni lart në mbrëmjen e 13 dhe 14 Nëntorit, dhe mund të jeni dëshmitarë të një pamjeje historike: superhënës më të madhe dhe të afërt që toka ka parë që në vitin 1948.
Termi “superhënë” përdoret gjërësisht për të përcaktuar një hënë të plotë që përkon me orbitën hënore më të afërt me tokën, ose perigjenin.
Duke qënë se orbita e hënës rreth tokës është në formën e një veze, ka raste që gjatë ciklit të saj të jetë më afër ose më larg nga ne. Për shkak se përmasa e orbitës së hënës ndryshon lëhtësisht me kalimin e kohës, perigjeni i çdo muaji nuk është gjithmonë në të njëjtën distancë me tokën.
Këtë muaj, hëna zyrtarisht do të arrijë perigjenin në orën 6:21 të mëngjesit me kohën lindore në 14 Nëntor, kur do të jetë vetëm 221,524 milje larg planetit tonë, siç matet nga qendra e të dyjave, hënës dhe tokës.
Hëna do të arrijë fazën e plotë vetëm 2 orë e gjysmë më vonë, në orën 8:52 të mëngjesit. Shijojeni shfaqjen në qiell për aq sa zgjat sepse hëna e plotë nuk do të na afrohet kaq afër deri në 25 Nëntor 2034.
