Që edhe ju të keni një lëkurë të shkëlqyeshme, mbi të gjitha të shëndetshme dhe plot jetë, janë disa hapa të thjeshtë dhe praktikë që mund t’i ndiqni çdo ditë të jetës suaj! Larja e fytyrës, gjumi i plotë, kremi me faktor mbrojtës, janë vetëm disa nga këto sekrete që ju bëjnë të keni një lëkurë të mirë!
Pastrojeni butësisht, një herë në ditë
Në qoftë se nuk keni lëkurë me vaj, duhet të lani fytyrën vetëm në mbrëmje, me një pastrues krem dhe ujë të vakët. “Në vend që të pastroni fytyrën, lëreni që pastruesi të rri në lëkurën tuaj për disa sekonda dhe të prishë përbërjen, papastërtinë dhe vajin”, thotë dermatologia Ranella Hirsch në Boston. Në mëngjes, thjesht shpëlani fytyrën me ujë të vakët.
Riaplikoni kremin kundër diellit
Ju e dini që mënyra më e mirë për të parandaluar plakjen e lëkurës është të aplikoni krem dielli, kështu që përdorni një hidratues me një SPF të paktën 30. Çfarë bëjnë gratë me lëkurë të mirë? E rivendosin kremin mbrojtës në disa orë. Përbërësit mbrojtës nga dielli janë efektivë vetëm për rreth dy orë, kohë e mjaftueshme për të mbrojtur lëkurën tuaj gjatë një shëtitjeje në mëngjes ose një udhëtimi, por jo gjatë gjithë pasdites.
Ato përdorin një krem me përmbajtje retinoli çdo natë
“Herën e parë kur takoj dikë, menjëherë e di nëse ajo përdor një retinoid sepse lëkura e saj është me shkëlqim dhe e lëmuar”, thotë dermatologu nga Miami Leslie Baumann, MD. Retinoidet janë derivate të vitaminës A që janë vërtetuar se forcojnë kolagjenin. Për shkak se retinoidet mund të shkaktojnë irritim në fillim, dermatologu Hirsch rekomandon të aplikoni një hidratues të butë për të paktën 30 minuta, pastaj të aplikoni kremin tuaj retinoid.
Ato flenë të paktën shtatë orë gjatë natës
Kortizoli, hormoni i stresit, plak lëkurën dhe mund të shkaktojë akne. Gjumi zvogëlon nivelin e kortizolit në trupin tuaj. Pra, është një ekuacion i thjeshtë: Gjumë = lëkurë më e re!
