Megjithëse prej disa ditësh këngëtarja Demi Lovato ka bërë publike prishjen e fejesës me partnerin e saj Max Ehrich, ky i fundit nuk dëshiron kurrsesi ta pranojë këtë fakt.
Ai ka deklaruar në Instagram se nuk ka folur me këngëtaren dhe se gjërat mes tyre nuk kanë marrë fund. Më pas Max është penduar për të gjitha postimet dhe i ka fshirë.
“Deri në këto momente ne nuk kemi folur në telefon… nuk kemi mbaruar asgjë zyrtarisht me njëri-tjetrin”, shkroi Max në një postim. Ndërsa në një tjetër shtoi: “Nëse po e lexon këtë… Do të të dua gjithmonë… pa kushte… nuk ka rëndësi se çfarë.”- ishin fjalët e tij.
Këto postime të tij erdhën menjëherë pasi një burim tregoi për “People” se Ehrich ishte i vetëdijshëm për ndarjen e tyre dhe se kjo gjë do të bëhej publike në media.
Por, ç’mendon Demi për fjalët e tij?
Një burim ka treguar se këngëtarja e ka informuar Max-in për ndarjen më herët dhe nuk i pëlqen aspak kjo që ai po bën. Madje, Demi është inatosur keq me fjalët e tij dhe nuk dëshiron të ketë fare kontakt me të.
“Demi nuk dëshiron asnjë kontakt me Max në këtë pikë. Ajo është plotësisht në siklet nga mënyra se si ai po vepron dhe po vë marrëdhënien e tyre në media sociale. Demi nuk dëshiron të ketë asgjë me të”- tregoi burimi.
Demi dhe Max u lidhën me njëri-tjetrin në muajin mars, gjithë periudhën e karantinimit e kaluan bashkë, derisa vendosën të fejoheshin në muajin korrik.
