Edhe sot maturantët kanë dalë duke protestuar para Ministrisë së Arsimit.
Ata shprehen se provimi i Letërsisë dhe Gjuhës Shqipe nuk ishte aspak normal dhe nuk përputhej me përgatitjen që ata kishin bërë përgjatë vitit.
Ndryshe nga ditët e tjera maturantët kanë bllokuar rrugën e Durrësit duke i drejtuar ministrisë dy kërkesa: rivlerësimin e provomit dhe uljen e pragut të notës 9 dhe 10.
Ajo që u vu re ditën e sotme është numri më i pakët i nxënësve që protestonin, kjo pasi sipas tyre, disa janë kërcënuar duke u marrë emër dhe mbiemër për t’u bërë ulje në nota.
Pasi janë thirrur tre përfaqësues të tyre për të dialoguar në Ministri, nxënësit sot i kanë dorëzuar edhe një draft me 10 pika, duke i lënë kohë ministres deri sot në mesnatë për t’i dhënë zgjidhje problemit të tyre.
“Ne kemi kërkuar që të bëhet dorëzimi në ministrinë e arsimit, ne sapo kemi mbaruar dhe proceduar të gjitha gjërat e duhura, tani është lënë afat deri në përfundim të ditës së sotme për përgjigje, nëse ku ka një përgjigje do të pasohen me protesta të tjera. Gjithçka të bëhet transparente dhe e drejtë”, tha një nga përfaqësueset e maturantëve.
