Me një menu ushqimi të shijshme, tualetin luksoz dhe kujdesin personal, “Lindo Wing” ofron një cilësi shërbimi të denjë sa për një hotel me 5 yje.
Pra, nuk është aspak e çuditshme që Duka dhe Dukesha e Kembrixhit kanë zgjedhur edhe njëherë repartin e maternitetit ekskluziv në Spitalin e Shën Marisë, në qendër të Londrës, për lindjen e fëmijës së tyre të tretë.
Princi George, 4 vjeç dhe Princesha Charlotte, 2 vjeçe, erdhën në jetën në të njëjtin vend, ashtu si Princi William dhe Princi Harry.
Me pacientë, të cilët kanë një status social të lartë dhe me çmime që fillojnë nga 5,900 paund për një natë dhe shkojnë në 6,275 paund për një paketë luksoze, apo më të larta për suitat, shumë pak persona do të mund të përjetojnë ndonjëherë luksin e “Lindo-s”.
Të gjitha ushqimet janë të përgatitura me kujdes në kuzhinë dhe madje ka edhe një shërbim për çajin e pasdites, për prindërit që të festojnë ardhjen e foshnjës së tyre.
Spitali njihet gjithashtu që ofron një kujdes të veçantë për klientët pasi largohen prej tij.
Një broshurë zbulon se çdo dhomë ka TV satelit duke ofruar kanale ndërkombëtare.
Për prindërit që dëshirojnë të largohen nga ekrani, ka edhe radio, telefon, frigorifer, apo gazeta dhe WiFi falas.
Pacientëve u ofrohet gjithashtu një listë verash, duke përfshirë shampanjë. Ndërsa dukesha Kate ka një ekip prej më shumë se 20 ekspertësh mjekësorë në shërbimin e saj.
Burimi: Daily Mail
