Pesë persona janë shoqëruar në polici, pas grabitjes së banesës së biznesmenit mbrëmjen e djeshme në Shkozet të Durrësit.
Grabitja ndodhi gjatën natës, ndërsa maskat kishin vënë nën gjurmim biznesmenin Elton Kelmendi gjatë kohës që kishte dalë për kafe me djalin.
Para se të hynin brenda shtëpisë, tre maskat i kanë zënë pritë biznesmenit tek porta e banesës dhe më pas kanë hyrë në ambientet e shtëpisë duke lidhur familjarët.
Pasi arritën të merrnin sasinë e parave, të maskuar dhe të veshur me uniforma policore, tre grabitësit kanë marrë me vete për disa kilometra edhe djalin e familjes, por më pas e kanë lënë të lirë duke ia mbathur në drejtim të paditur.
Arratisja e tyre është ndihmuar edhe nga errësira raporton “BalkanWeb”, ndërkohë hetimet vijojnë për identifikimin dhe kapjen e autorëve, të cilët terrorizuan të gjithë familjarët e biznesmenit.
Nga të dhënat e Qendrës Kombëtare të Biznesit, rezulton se Elton Kelmendi, që nga vitit 2009, ka në pronësi një kompani që merret me transport rrugor kombëtar dhe ndërkombëtar mallrash për të tretë e me qira, si dhe me tregti me pakicë e import-eksport të artikujve të ndryshëm ushqimorë dhe industrialë.
