Stomatologia Olesia Duka, e cila u arrestua që prej 28 shkurtit 2018 pasi mashtroi 14 persona, duke u marrë 3.033.532 euro, është dënuar me 10 vjet burg.
Sipas hetimeve, Olesia Duka, njëherësh ish-bashkëshortja e këngëtarit Bojken Lako, prezantohej si administratore e subjektit “Shëndeti” shpk. me profesion mjeke që kishte në pronësi disa klinika dentare me anë të të cilave, fitonte shumë para dhe i duhej valutë në euro me qëllim blerje materialesh.
Për t’u dukur si një biznesmene e sigurt, Duka mbante të punësuar dhe dy shoferë.
Duka prezantohej si një biznesmene shumë e suksesshme dhe person që ka lidhje të forta politike dhe njohje të mëdha në fushën e biznesit, ku me të ardhurat që fitonte sponsorizonte aktivitetet bamirësie për shtresat në nevojë dhe fëmijët në nevojë.
Prokuroria kishte kërkuar 15 vite burg për stomatologen, por gjykata vendosi sot për dënimin me 10 vite.
/Shqiptarja
