“Top Channel” vërtetoi ditën e djeshme se shishet e vajit të ullirit që ndodhen në supermarket, janë vetëm përzierje industriale, që nuk kanë lidhje aspak me ullirin. Mirëpo falë një eksperimenti fare të thjeshtë, ju mund të mbroheni nga ky mashtrim, pasi pavarësisht sa e shtrenjtë që mund të jetë shishja, nuk nënkupton se cilësia është e lartë.
Në një gotë të vogël hidhni vajin e ullirit dhe më pas vendoseni në frigorifer për 60 minuta, për të dalluar nëse vaji i ullirit është cilësor. Nëse e shihni se vaji ka ngrirë, atëherë keni të bëni me vaj të vërtetë ulliri. Në rastet kur nuk ka ngrirë aspak, ose vetëm pak atëherë nuk është vaj ulliri por përzierje industriale.
Ky eksperiment fare i thjeshtë pa pasur nevojën e një laboratori na tregon se si të dallojmë vajin cilësorë të ullirit.
