Fenomeni i dyqaneve në rrjetet sociale është përhapur shumë së fundmi. Shpesh ata që duan të përfitojnë përmes shitjeve, hapin një profil në “Facebook” dhe “Instagram” për të ofruar shërbimin e tyre.
Por janë qytetarët ata që bien në kurthin e dyqaneve jo të mirëfillta, që bëjnë truke për të përfituar ndaj besnikërisë së klientëve.
Një faqe në “Instagram”, ka dokumentuar disa nga përfitimet jo të drejta të shitësve ndaj blerësve. Ajo me të cilën këta persona luajnë më shumë janë çmimet.
Nëse në origjinal në “Ebay” një produkt për heqjen e akneve do ta gjenit në vlerën 2.99 dollarë, i njëjti produkt në një faqe online ofrohet për shumën 1.400 lekësh, 4-fish më shtrenjtë.
E njëjta taktikë tregohet edhe në shitjen e një palltoje, e cila nga çmimi origjinal 10.79 paund, në faqen shqiptare ofrohet për 32 euro.
Ndërsa një tjetër rast vë në dukje ndryshimin e çmimit të një produkti pas kalimit të një periudhe, që në momentin kur ai doli në shitje! Pas 1 viti çmimi i të njëjtit shërbim kushton 2000 lekë më shumë.
Këto gjeste duhet të ndërgjegjësojnë klientët për të bërë një kërkim të shpejt në motorin e kërkimit, para se të paguajnë për një shërbim.
Burimi: Instagram
