Mashkulli më seksi i vitit është një titull që e kanë mbajtur figura të njohura të showbizit: Brad Pitt, Dwayne “The Rock” Johnson, George Clooney, Johnny Depp, Harrison Ford, Ryan Reynolds apo David Beckham.
Të gjithë këta kanë qenë emra të pritshëm nga mbarë bota, por këtë vit ka ndodhur krejt ndryshe.
Mashkulli më seksi i 2017-ës i zgjedhur nga “The People” është këngëtari Blake Shelton.
Këngëtari i muzikës “country” është shprehur i befasuar nga ky vlerësim.
“Kam qenë i shëmtuar gjatë gjithë jetës sime. Nëse duhet të jem seksi për një vit, pranoj, perse jo. ”: tha me shaka këngëtari 41- vjeçar.
Ai ka thënë se nuk e kishte paramenduar asnjëherë këtë çmim, sidomos kur ka qenë më i ri, pasi dikur ka qenë me peshë të tepërt, pasi nuk mund ta kontrollonte veten me ushqim, por falë punës së mundimshme, ka arritur të humbë kilogramët e tepërt dhe të bëj një trup me forma.
