Megjithëse ribashkimi i tyre ishte konfirmuar më parë, fotoja e Bora Zemanit dhe Donald Veshajt që u publikua dje bëri jo pak bujë në rrjet. Vëmendje të madhe morën edhe reagimet e personazheve VIP, të cilët shprehën ‘mendimin’ e tyre përmes “like-ve” dhe komenteve në postimin e moderatores.
Mes tyre vihet re komenti i autores së “Për’puthen”, Olsa Muhameti, e cila ka një raport mjaft të mirë me Bora Zemanin.
Disa muaj më parë kur Donaldi nisi një lidhje me Beatrix Ramosajn brenda BBV, Olsa e thumboi hapur aktorin. Por së fundmi duket se ajo është e lumtur për ribashikimin e tij me Borë. Të paktën kështu ka lënë ajo të kuptohet me komentin e saj në foton e Borës.
“Dashuria fiton mbi gjithçka”, shkruan Olsa.
Çfarë deklaronte Olsa Muhameti disa muaj më parë?
Kur Donaldi shprehu brenda BBV se Beatrix është “ajo që dua”, Olsa reagoi menjëherë në mbështetje të Bora Zemanit. Megjithatë, ajo nuk la pa ironizuar dhe thumbuar Donaldit.
Në një postim në Instastory ajo shkruante: “Vetëm meshkujt e fortë nuk luajnë lojëra me femrat, meshkujt e dobët dhe të pasigurt e bëjnë këtë”
Kujtojmë se Olsa u pyet pak kohë më parë nëse ka ndonjë krisje mes saj dhe Borës. Ajo e mohoi kategorikisht këtë gjë duke u shprehur me superlativa për moderatoren. Ajo e vlerësoi si punëtore dhe dinjitoze.
“Nuk ka asnjë krisje. Përkundrazi. Bora është një nga personazhet me të cilët kam punuar që gëzoj shumë respekt dhe është një gocë e veçantë. Ajo çfarë nuk ka përjetuar këtë vit dhe përpos të gjithave ishte në kulmin e saj. Por nuk ka reflektuar asgjë, asnjë ulje-ngritje. Ka ardhur në punë, ka dhënë maksimumin. Mund të bënte edhe pak shoë-of se është personazhi i momentit. Nuk e ka bërë në asnjë moment këtë. Nuk është vonuar kurrë. Është gocë punëtore dhe dinjitoze, nuk ka asnjë krisje mes nesh. Do jetë apo jo në Për’puthen le ta pleqërojmë këtë.”- u shpreh autorja e Për’puthen.
