Ky model po i jep një tjetër kuptim fushës së modelingut dhe ndoshta kishte ardhur koha për këtë.
Tashmë shtëpitë e modës , që duan të reklamojnë veshjet e tyre më të fundit për vajzat dhe djemtë, nuk kanë nevojë që të marrin disa modelë, por thjesht të zgjedhin Rain Dove, njeriun që sfidon normat gjinore duke modeluar në modën e burrave dhe grave.
Ai nuk e quan veten as ‘djalë’ dhe as ‘vajzë’, thjesht një ‘njeri në botën e modës’. Fillimisht Dove u bë pjesë e modelingut, pas një basti që humbi me shokun e tij, por prezantimi i tij i parë rezultoi shumë i suksesshëm.
Tre muaj më vonë ai sfiloi për ‘ Calvin Klein’, e për shumë shtëpi të tjera të modës duke prezantuar edhe veshjet e vajzave por edhe të djemve.
Për të, trupi është një instrument, me të cilin mund të bëjë shumë gjëra. Natyra është treguar ‘shumë bujare’ me të, duke i dhuruar hormone të mjaftueshme femërore por dhe mashkullore, duke krijuar ‘atë’ Rain Dove.
“Unë nuk djalë. Unë nuk jam vajzë. Trupi im ka disa tipare specifike, por ato nuk mund të përcaktojnë synimet, veprimet apo e aftësitë e mia. Trupi im është thjesht një mjet për mua që më ndihmon të futem në botën e modës”, shprehet 27-vjeçari.
Nëse do të klikoni në profilin e tij në “Instagram” do të shikoni Dove në të dyja ‘versionet’, dhe duhet thënë që duket pa dyshim shumë bukur edhe me veshjet e djemve por edhe të vajzave.
