Nga data 20 gusht, Kosova do të ketë vendime të reja për masat kufizuese. Këtë lajm e ka konfirmuar Oda e Hotelerisë dhe Turizmit me anë të një njoftimi, ku kanë njoftuar masat e reja.
Me vendimet e reja të cilat priten të hynë në fuqi nga 1 shtatori, ku të gjitha restorantet dhe kafenetë do të qëndrojnë të hapura deri në orën 22:30. Po ashtu në hotele dhe restorante nuk do të lejohet hyrja pa certifikatë vaksinim apo testi PCR.
Njoftimi nga Oda e Hotelerisë dhe Turizmit
Pas takimit të ministrit të Shëndetësisë z. Vitia dhe përfaqësuesve të OHTK kryetari prof. Dr. Sogojeva si dhe drejtorët e departamenteve z. Muçiqi dhe z. Hoti na u kumtuan masat e reja.
Për fat të keq pas ngritjes së numrit të të infektuarve me Covid 19, me datë 20.08.2021 do të dalin vendime të tjera kufizuese
Sa i përket sallave të dasmave do të funksionojnë deri në orën 22:30, me kapacitet të mysfirëve deri 150.
Klubet e natës do të mbyllen deri më datë 01.09.2021.
Të gjithë Restaurantet ditore , kafiteritë etj., do të punojnë deri në orën 22:30.
Nga data 20.08.2021 pa dëshmi vaksinimi apo test PCR nuk lejohen klientet në asnjë nga ambientet Hoteliere-Gastronomike.
I lusim të gjithë qytetarët të ruhen nga kjo gjendje alaramante, t’i respektojnë masat e reja dhe sa më shumë të vaksionohen.
Të infektuarve i’u urojmë shërim të shpejtë!
