Një 56-vjeçar nga Vlora ka masakruar bashkëshorten e tij mesditen e sotme në fshatin Babicë të Vlorës.
Pas një debati në familje, Laureta Sulo 44 vjeçe, është goditur disa herë me levë në kokë nga Lavdosh Sulo 56 vjeç. Ngjarja ka ndodhur brenda banesës, ku çifti kishte edhe një servis dhe ku punonin të dy.
Sipas policisë së Vlorë, në orën 12:52 pas një konflikti në banesë 56-vjeçari e ka qëlluar disa herë me levë në kokë bashkëshorten, e cila u dërgua në spital me shpejtësi, por ndërroi jetën si pasojë e plagëve të marra në orën 13:30.
Autori e lajmëroi vetë policinë pas ngjarjes, dhe u arrestua menjëherë nga uniformat blu.
“Report tv” shkruan se çifti Sulo ka dy fëmijë, një djalë dhe një vajzë, ndërsa shkak i konflikteve të shpeshta që çuan deri në vrasjen e gruas, dyshohet se ka qenë xhelozia.
Vdekja e gruas ka tronditur familjarët, ndërsa në videon e mëposhtme shfaqet i vëllai i 44-vjeçares i cili mëson lajmin tragjik!
