Publikohen pamjet e tmerrshme të trupave të mbuluar me gjak, pasi një student i armatosur hapi zjarr në shkollën e mesme në Florida.
Videot dhe imazhet e rënda u realizuan nga nxënësit brenda shkollës “Marjory Stoneman Douglas” të mërkurën, kur Nikolas Cruz, vrau 17 njerëz, 14 prej të cilëve ishin nxënës.
Imazhet e kapura nga celulari i një prej nxënësve tregojnë trupin e pajetë të një vajze të shtrirë në mes të klasës, të mbuluar me gjak.
Në një tjetër video tregohet momenti kur hynë efektivët e policisë, për të shpëtuar nxënësit.
Ata u detyruan të kalonin mes trupave të mbushur me gjak për të dalë jashtë ndërtesës.
Një nga shumë filmimet e pas masakrës së të shtënave tregon terrorin, që kanë përjetuar nxënësit.
Ndryshe nga sulmet e tjera të shkollave në të kaluarën, këto video dhe imazhe kanë bërë që shikuesit të hyjnë brenda ngjarjes, ndërsa të shtënat e zjarrit tmerrojnë studentët që kërkojnë ndihmë.
Cruz pranoi masakrën
19-vjeçari Nicolas Cruz pohoi se ai ka shtënë mbi nxënësit dhe mësuesit e gjimnazit nga ku e kishin përjashtuar për sjellje të dhunshme. Ai ka dalë përpara gjykatës me 17 aktakuza për vrasje të paramenduar e aty rrëfeu se përpos armës gjysmë-automatike AR-15, në çantën e shpinës kishte edhe municione shtesë.
I riu ishte nisur të bënte sa më shumë viktima dhe ka tentuar të shpëtojë duke u hequr si një prej adoleshentëve të tmerruar që kërkonin ndihmë. Ngjarja shokuese e shtyu Presidentin Donald Trump të deklaronte se administrata e tij do të punojë për të përmirësuar sigurinë në shkolla dhe për të trajtuar sëmundjet mendore. Demokratët nxituan të theksojnë edhe një herë se episodi tronditës nënvizon sërish nevojën për ligje më të ashpra për armët, por Trump nuk e përmendi këtë çështje në fjalimin e tij të shkurtër, ky theksoi sidoqoftë se sigurinë në shkolla do ta kthejë në prioritet.
Burimi: Daily Mail
