Oficerët e policisë kanë tentuar të shoqërojnë Ervis Martinaj në spitalin e burgut, por kanë qënë mjekët e spitalit privat në Tiranë ku i plagosuri po kurohet, që kanë kundërshtuar.
Për emisionin “Dritare me Rudinën”, gazetarja Dorjana Bezat raportoi se mjekët nuk kanë lejuar pasi gjendja e tij është e rëndë dhe nuk mund të trajtohet në spitalin e burgut.
“Ishte një situatë tensioni mes policisë së burgjeve dhe mjekëve të spitalit. Ata kanë gjykuar se gjendja e tij ishte stabile dhe kanë tentuar ta transportojnë në spitalin e burgut, pasi ndaj tij është dhënë masa arrest me burg. Por mjekët e spitalit nuk e kanë lejuar dhe kanë penguar punonjësit e policisë që ta transportonin në spitalin burgut. Me ndërhyrjen edhe të avokatit është sqaruar situata, ndërsa forca të policisë ndodhen në ambientet e këtij spitali, pasi mbajnë në vëzhgim të plagosurin”- tha gazetarja Dorjana Bezat.
Gjykata ka vendosur masën e arrestit me burg për 30 ditë për Ervis Martinaj dhe Ejon Hate, të dy të plagosur. Në përleshjen e ndodhur në një lokal në zonën e Ish-Bllokut, humbi jetën Fabion Gaxha.
Burimi: Ballkanweb.al
