Për herë të parë del në dritë një emër i ri i përfshirë në vrasjen e 4 tetorit në ish-Bllok. Ajaks Boshnjaku është personi se dyshohet të jetë i përfshirë në masakrën që ndodhi rreth një muaj më parë.
Kjo është hera e parë që emri i tij del në media, ndërsa bëhet me dije se Boshnjaku është mik i Ervin Matës, të dashurit të këngëtares Elvana Gjata.
Dy prokurorët e çështjes kanë firmosur urdhër-ndalimin për të, pasi ka dyshime të jetë i përfshirë në krimin që tronditi kryeqytetin.
Nga hetimet rezulton se, ai ka qenë i pranishëm në lokal në momentin kur komandoja Meviol Bilo qëlloi për vdekje Fabian Gaxhën dhe plagosi Ervis Martinajn me Elio Haton.
Policia e ka mbajtur të fshehtë emrin e Ajaks Boshnjakut, ndërsa deri më tani mësohet se, kërkimet për kapjen e tij nuk kanë dhënë rezultat.
Lidhur me ngjarjen vijojnë të jenë të paidentifikuar edhe dy persona të tjerë, të pranishëm në lokalin “Monopol” me pronar Redi Popeskun. Ky i fundit ndodhet nën masën e arrestit në shtëpi i akuzuar për dëshmi të rreme.
I arrestuari Ervis Martinaj po mbahen nën arrest me afat 30 ditor. Edhe dy të dyshuarit e tjerë, Elion Hato dhe Geldo Hoti, ky i fundit pjesë e grupit të Ervin Matës, vijojnë të mbahen në qelitë pas dyshimeve për akuzën e vrasjes.
Burimi: BalkanWeb
