Mesditën e sotme u përcollën për në banesën e fundit 8 anëtarët e familjes Zykaj, të ekzekutuar nga 24-vjeçar Ritvan Zykaj, i cili i ekzekutoi me kallashnikov në shtëpinë e tyre. Ngjarja e Selenicës cilësohet si nga më të rëndat që është dëgjuar në këto 30 vitet e fundit.
Mes dhimbjes së papërshkruar dhe lotëve, 6 arkëmorteve në ngjyrë kafe dhe 2 të bardhë, ku prehen Sara, 17 vjeçe dhe Ledjoni, 6 vjeç, u është dhënë lamtumira e fundit.
Ata do të prehen mes pemëve të ullinjëve, që janë simbol i paqes. Ishte amaneti kryefamiljarit të vrarë Demir Zykaj, i cili kërkonte të varrosej në tokën e tij kur të vdiste.
Ndërkohë, në ceremoninë e varrimit janë mbajtur edhe fjalime prekëse, ku është kërkuar që shteti të dënojë autorin e krimit të rëndë.
