Një person i armatosur ka hapur zjarr në një lokal nate në qytetin e Thousand Oaks, Kaliforni, duke plagosur së paku gjashtë persona.
Autoritetet noftuan se autori qëlloi me pistoletë ‘të kapacitetit të lartë’ dhe hodhi disa granata tymuese në “Borderline Bar”.
Ndër viktimat ishte një shef policie dhe një roje. Policia thotë se rreziku është ende i pranishëm dhe se autori është i lirë pas hapjes së zjarrit në vendin e ngjarjes.
Një dëshmitar tha për “ABC7”: “Roja vdiq dhe autori kishte një pistoletë”.
“Ai hodhi disa tymuese dhe vazhdoi të qëllonte. Njerëzit hodhën karriget nga dritaret për t’u larguar prej aty”.
‘Burri i armatosur kishte syze dhe një xhaketë të zezë. Ai kishte një armë të madhe”.
Sherifi i qarkut tha se ishin dëgjuar rreth 30 të shtëna brenda ndërtesës.
Njerëzit u fshehën në banjë dhe në papafingo, ndërsa të tjerët që arritën të iknin, kërkuan ndihmë mjekësore në karburantet aty pranë, sipas burimeve.
