Një krim horror është regjistruar në Serbi. Tetë fëmijë dhe një roje shkolle janë vrarë në një shkollë në Vraçar. Mediat vendase bëjnë se edhe gjashtë fëmijë të tjerë dhe një mësuese janë plagosur dhe ndodhen në spital.
Ngjarja makabër ka ndodhur mëngjesin e sotëm në shkollën “Vladislav Ribnikar”. Autori i krimit është një nxënës 14-vjeçar, i cili u arrestua në oborrin e shkollës.
Raportohet se 14-vjeçari fillimisht ka debatuar me rojën e sigurisë dhe më pas e ka qëlluar me gjakftohtësi. Pastaj ai ka hyrë në orën e historisë dhe ka nisur të qëllojë mbi nxënësit.
I mituri K. K. raportohet se e ka kryer masakrën me armën e të atit. Sipas mediave serbe, ai kishte një kapuç të zi në kokë dhe po ecte i qetë sikur të mos kishte ndodhur asgjë. Autori thuhet se është djali i një radiologu të njohur në Serbi.
Nuk dihen ende motivet të cilat e kanë shtyrë adoleshentin të kryente këtë masakër brenda ambienteve të shkollës fillore, ku studionte.
