Ditën e sotme, Kryetari i Kuvendit, Gramoz Ruçi, njoftoi vendimin e ri të Kuvendit.
Për të përballuar situatën e krijuar nga Covid-19, pagat e deputetëve do të reduktohen.
Paga e tyre do të përgjysmohet dhe kjo do të zgjasë për 3 muaj.
Gramoz Ruçi i bëri gjithashtu thirrje 30 institucioneve kushtetuese dhe institucioneve të krijuara me ligj që të ndërmarrin të njëjtën nismë.
“Byroja vendosi që, në kuadrin e masave për të lehtësuar përballimin e situatës së pandemisë, krijuar nga koronavirusi COVID-19, në shenjë solidariteti me qytetarët dhe bizneset e prekur nga masat ndaluese të koronavirusit, paga e deputetëve të Kuvendit të Shqipërisë të përgjysmohet për një periudhë tremujore”- shkruhet në njoftimin zyrtar nga zyra e shtypit.
Më herët, Kryeministri Rama kishte paralajmëruar një përgjysmim të pagave të deputetëve gjatë prezantimit të planit financiar.
