Ariana Grande dhe bashkëshorti i saj, Dalton Gomez, po e shijojnë në maksimum jetën e re si të martuar. Së fundmi, ata të dy janë arratisur në një udhëtim romantik bashkë në Amsterdam. Ariana nuk preferon të ndajë shumë detaje me fansat e saj në rrjete sociale, por me këtë udhëtim nuk ngurroi të ndante disa imazhe.
Në fotot e publikuara në Instagram ata duken se ndodhen aktualisht në Holandë. Ariana ndau disa imazhe të ndryshme, që tregojnë se jeta për të është bërë akoma dhe më e bukur pas martesës me Dalton. Ata të dy kanë kaluar kohën vetëm për vetëm në Holandë, ku kanë vizituar disa nga vendet më të bukura turistike.
View this post on Instagram
Kujtojmë se në muajin maj Ariana Grande i suprizoi të gjithë teksa zbuloi se ishte martuar në fshehtësi me Dalton Gomez. Ariana Grande ndau me miliona ndjekësit në Instagram foto nga martesa e saj me Dalton Gomez, ku zbuloi pamjet e mahnitshme të ambienteve ku u zhvillua ceremonia dhe na la pa fjalë me magjinë që e karakterizonte këtë ditë kaq të veçantë për këngëtaren. Por mbi të gjitha ndjekësve të këngëtares ju tërhoqi vëmendjen thjeshtësia e saj, që e bënte të dukej një nuse shumë origjinale dhe të bukur.
View this post on Instagram
Fotot e martesës u pëlqyen aq shumë nga fansat e artistes, aq sa postimi Ariana-s theu rekord. Fotot e çiftit nga martesa janë kthyer në postimin më të pëlqyer të të gjitha kohërave në Instagram. Deri më tani ky postim me disa foto nga martesa, ka arritur 26 milionë pëlqime. Tashmë në vendin e dytë renditet postimi i fundit i XXXTentacion para vdekjes së tij (25 milionë). Dhe në vendin e tretë renditet fotografia e Billie Eilish me flokët bjond (23 milionë).
