Lidhja e Genc Prelvukaj me Eni Koccin është diskutuar shumë në mediat, veçanërisht raporti i këngëtarit më prindërit e partneres.
Së fundmi ka qarkulluar në media një lajm sipas të cilit Genc Prelvukaj nuk i ka marrëdhëniet e mira me prindërit e Enit.
U tha se prindërit e këngëtares nuk janë dakort me lidhjen e tyre pasi Genci ka qenë i divorcuar më parë dhe ka një fëmijë.
Për ta sqaruar këtë foli personalisht Genci i ftuar mbrëmjen e djeshme në “Xing me Ermalin”. Këngëtari u ka dhënë fund këtyre lajmeve të pavërteta duke treguar se shkon shumë mirë me familjen e Enit.
“Kam një raport shumë të mirë me familjen e Enit. Edhe me Gretën kam një raport fantastik, kemi mirëkuptim, nuk kemi as përplasje idesh. As me Gretën, as me prindërit e Enit. Një raport shumë të mirë me të gjithë familjen”, u shpreh Genci.
