Për herë të parë sot pas 13 vitesh me emisionin “E diela shqiptare”, moderatori dhe producenti Ardit Gjebrea e kishte të pamundur të ishte i pranishëm në programin e tij.
Kjo për shkak të infektimit me Covid-19, i cili e ka mbyllur Arditin në shtëpi.
Siç lajmëroi edhe më herët, derisa ai ta luftonte plotësisht virusin, vendin e tij për këtë të dielë në emision do ta “zinin” Enkel Demi, Gentian Zenelaj dhe Marsela Çibukaj.
“Gjysma ime” dhe “Të panjohurit” do të drejtohet nga Enkel Demi, “Telebingo Shqiptare” nga Gentian Zenelaj dhe “Ka Një Mesazh Për Ty” nga Marsela Çibukaj.
Kjo e fundit e drejtoi rubrikën “Ka një mesazh për ty” gjithë profesionalizëm dhe i pëlqeu aq shumë publikut, saqë të gjithë po kërkojnë ta shohin sërish si moderatore.
Marsela e ka shijuar në maksimum këtë eksperiencë, teksa ka falenderuar këdo që e ka mbështetur në llogarinë e saj në Instagram, ku komentet ishin të gjitha pozitive.
“Për një ditë, pjesë e familjes së madhe të @edielashqiptare me një detyrë që mu besua nga vetë @arditgjebrea. Një ftesë që prita me shumë kënaqësi dhe përgjegjësi. Falenderoj shumë staff-in e mrekullueshëm e të djelës më të dashur nga shqiptarët prej vitesh për mirëpritjen e tyre.
Falenderoj shumë tē gjithë ju për mesazhet e shumta që më keni dërguar.
Një eksperiencë shumë e bukur për mua ku kuptova nga afër se sa shumë punë me përkushtim dhe profesionalizëm bëhet për të sjellë tek publiku emisione kaq të bukura dhe plot emocion.
Arditit shërim dhe kthim sa më të shpejtë në shtëpinë e tij në @rtvklan ❤ .”- ka shkruar Marsela krahas postimit.
View this post on Instagram
Kjo nuk është hera e parë që Marselën e shohim si moderatore. Ajo ka prezantuar gjithashtu edhe “Festivalin e 11 të Këngës” dhe emisionin “Turni i tretë” në RTSH.
Ndaj, do të ishte këndshëm ta shihnim sërish së shpejti në ekran, me të tjera projekte si këto!
