Moderatori i njohur Ardit Roshi ka folur për marrëdhënien e tij me vjehrrin Agim Bajko në një intervistë të fundit për programin “Mos i fol shoferit”.
Propozimi romantik që i bëri vajzës së aktorit të njohur, Blerina Bajko, bëri jehonë në të gjitha mediat pasi u bë në skenën e emisionit “Këndo këngën time”, në “Vizion Plus” që drejton Arditi.
Por si është të kesh vjehërr Agim Bajkon?
Epo Arditi ka treguar se marrëdhënia e tyre përfshin aq shumë batuta, saqë të kujton filmin “Edhe kështu edhe ashtu”, ku kandidatë të çuditshëm të Almës i vinin vërdallë Apostol Sakos, për t’i mbushur mendjen se këngëtari Andi Bega është më i miri nga të gjithë.
Pra, nëse ju kujtohet filmi, “Baba” është një nga batutat e Agim Bajkos.
Rudina Dembacaj: Si ishte prezantimi yt me babi Gimin?
Ardit Roshi: Prezantimi ishte në një darkë elegante me bazë peshku dhe verë të mirë. Blerina i tha ky është shoku im Arditi tullac dhe i gjatë. Një moment Blerina u largua dhe në fillim me Agimin folëm me sy. Pastaj folëm me fjalë.
Gimi është një zotëri që dëgjon, nuk është punë për ju se çfarë i thashë unë, por rëndësi ka që fola bukur.
Rudina Dembacaj: Po Gimin si e thërret, se mamin e Blerinës e thërret mami Alba ndërsa Gimin e thërret babi Gimi ?
Ardit Roshi: Unë kam batuta perla me Gimin, si tek filmi që Gimi thotë “baba”, kemi një sens humori shumë të mirë bashkë, por i thërras në emër.
