Themeluesi i “Facebook”, Mark Zuckerberg do të bëhet baba për herë të dytë. Ai zbuloi lajmin e gëzueshëm në një postim shumë emocional, në profilin e tij në “Facebook”, ku tregon gjininë e fëmijës së dytë.
Ai dhe gruaja e tij Priscilla po presin një tjetër vogëlushe.
“Kur e mësuam se Priscilla ishte sërish shtatzënë, shpresuam fillimisht që fëmija të ishte i shëndetshëm. Shpresa e dytë e imja ishte që ajo të ishte vajzë”, tha ai dhe me sa duket dëshira iu realizua.
Gjatë herës së parë që po përpiqeshin për të bërë një fëmijë, Mark dhe Priscilla kanë humbur 3 të tillë në aborte natyrale para se të lindnin Max-in, vogëlushen e tyre të parë.
Kështu emocioni i miliarderit 32-vjeçar është i kuptueshëm, ndërkohë që është shprehur sesa i lumtur është që Max dhe motra e saj që pritet të vijë në jetë, do të kenë njëra-tjetrën.
