Mbrëmjen e djeshme në emisionin “Në Kurthin e Piter Pan” ishte e ftuar aktorja e madhe e humorit shqiptar Marjana Kondi. Një aktore që na ka bërë të gjithëve për të qeshur, por që jeta e saj msa duket nuk ka qenë edhe aq e gëzuar.
Marjana pak kohë më parë e ftuar në emisionin “Pasdite në Top Channel”, rrëfeu se ajo është rritur pa praninë e të atit, i cili e ka lënë në moshën 3-vjeçare, për ta ritakuar në moshën 50-vjeçare.
Fëmijët e “Piter Pan” me pafajësinë dhe çiltërsinë e tyre e vunë në siklet aktoren e madhe duke e pyetur se cila ishte marrëdhënia e saj me të atin.
“Unë kam qenë 3 vjeç kur babi nuk ishte më me mua, se babi im ka qenë pilot. Jeta shkoi dhe kur unë isha 49-50 vjeç, çuditërisht portreti i tij ishte siç e kisha lënë kur isha 3-vjeç”, tha Marjana me zërin që i dridhej nga emocioni.
Mirëpo pyetja që e përloti aktoren e njohur kishte lidhje pikërisht me nënën e saj, e cila ka qenë e detyruar ta rriste e vetme vajzën e saj. Fëmijët e “Piter Pan” e pyetën edhe për raportin e saj me nënën, e cila sot fatkeqësisht nuk jeton më.
“Bota është e bukur shumë me të gjitha mamatë dhe baballarët”, tha Marjana mes lotësh.
