Marina Vjollca është një ndër moderatoret më të dashura të ekranit shqiptar. Verën e kaluar ajo i dha fund beqarisë duke u martuar me reperin kosovar, Getoar Selimi.
Menjëherë pas kurorëzimit të dashurisë së tyre çifti i njohur është vënë vazhdimisht në qendër të vëmendjes mediatike, jo vetëm për jetën luksoze, për arritjet profesionale, por edhe për faktin se kur do të bëhen prindër.
Pak kohë më parë u përfol në media se Marina është në pritje të ëmbël dhe kjo nisur nga fakti se moderatorja po shfaqej gjithmonë e më pak në rrjetet sociale. Gjithashtu Marina kohët e fundit po shihet gjithmonë e më pak me veshje të ngushta dhe madje një foto e publikuar një muaj më parë në Instagramin e saj la vend për dyshime, teksa shfaqet me linjat e rrumbullakosura.
Pavarësisht lajmeve që qarkulluan në media për një shtatzëni të mundshme të moderatores simpatik, ajo zgjodhi të mos reagonte. Mbrëmjen e djeshme ka ardhur reagimi i parë nga një prej miqve të saj të ngushtë. Gazetari Eraldo Rexho ka qenë dje nën shoqërinë e Marinës dhe ka ndarë me fansat disa foto dhe video në Instastory.
“Meqë ra fjala Marina nuk është shtatzënë”, shkruan Eraldo në mbishkrimin e fotos ku shfaqet së bashku me Marinën.
Kujtojmë që Marina pas mbylljes me sukses të programit “C’est la Vie”, po kalon një periudhë pushimesh, ndërkohë ne të gjithë jemi në pritje të programit të radhës që ajo do të moderojë.
