Të gjithë menduam se spektakli “C’est la Vie” përfundoi dhe filluam të aludonim edhe rreth faktit se çfarë emisioni do të prezantonte më pas Marina. Por me sa duket nata finale nuk ka qenë fundi i këtij spektakli kaq ndjekur dhe të dashur nga teleshikuesit. Mbrëmjen e djeshme Marina është shfaqur në “Post C’est la Vie”.
Kjo natë speciale kishte mbledhur të gjithë konkurrentët, të cilët komentuan prapaskenat, performancat e tyre dhe çdo detaj pikant që e shoqëroi këtë spektakël.
Gjatë kësaj mbrëmje na ra në sy edhe veshja e Marinës, e cila kishte zgjedhur të vishte një kostum klasik që i nxirrte në pah linjat e saj perfekte.
Një palë pantallona klasike të zeza, të cilat i kishte kombinuar me një xhaketë të zezë me printime me simbolet e dashurisë, si dhe me një palë këpucë të kuqe që e plotësonin figurën e saj skenike.
Xhaketa e Marinës gjatë kësaj nate ishte një dashuri e vërtet dhe çdo femër do ta dëshironte një të tillë. Po sa kushton kjo xhaketë? Ajo është e linjës Philip Plein dhe kushton plot 1242 euro.
Ndërsa me rastin e festave të fundvitit kjo xhaketë ka ardhur me një çmim promocional prej 745 euro.
Burimi: Iconstyle.al
