Fejesa e shkurtër vitin e kaluar me biznesmenin, Edi Ismaili, tashmë u harrua.
Vajza e Eli Farës, Marina, ka nisur një romancë të re dhe po bën gjithçka që lidhja e saj të jetë në qendër të vëmendjes.
Së fundmi Marina ka publikuar një foto në adresën e saj në Instagram ku shihet duke u puthur në një lokal me partnerin e ri.
Ende nuk dihet identiteti i mashkullit që i ka rrëmbyer zemrën vajzës së këngëtares. Madje as ajo nuk ka ndërmend ta tregojë për momentin, pasi në fytyrën e tij ka vendosur një zemër duke e ruajtur të fshehtë personin në fjalë.
Në një foto të dytë, Marina shfaqet me një buqetë trëndafilash të kuq në duar, që besohet se ia ka dhuruar i dashuri. Me sa duket, dyshja po shijon disa ditë relaksi buzë detit.
